فطيرة الدجاج والسلك

السلام عليكم
جبتلكم اليوم طريقه ساهله وحلوة ان شاء الله تعجبكم
اول شي العجينه
3 اكواب دقيق
كوب صغير حليب
بيضه
ملعقه زيت
ملعقه خميرة
ملح
ماء للعجن
تعجنوا العجينه وتخلوها في مكان دافئ مش تخر
تاني شي الحشو
صدور دجاج مقطعات مكعبات
بصله
سلك (اني ندير في 10 ورقات)يعني ربطين ونص
وملح وفلفل اكحل وزيت وزعتر واكليل
وجبنه اي نوع تحبوة
بيضه
الطرقه
تقلي البصله شوية وتضيفي عليها الدجاج والسلك والملح والفلفل
بعد ما يطيبوا تضيفوا الجبنه والبيضه والزعتر والاكليل

بعدين تاخدوا العجينه تقسموها علي 4 دوائر
وتفردوها علي شكل دائري
اني نستعمل في طاجين التارت هوا المقدار يدير طاجينين
اول طبقه عجينه تحطوها في الطاجين تكون حوافها مرتفعه لعند الحافه
بعدين تحطوا طبقه من الحشوة بحيت ماتكونش لا هلبه ولا شوية لان لو كترتوا طعمه السلك حتكون قوية
واني نزيد نرش عليها في اكليل ونوع تاني جبنه
بعدين ناخد طبقه تانيه من العجينه المفروده ونغطي بيها الحشو
ونلصق العجينه الفوقيه بالتانيه من الاجناب ونزيد نتنيها لداخل
وندهن الفطيرة من برا بحليب ونرش عليها يا سمسم يا اكليل وزعتر
وتنحط في الكوشه
وصحتين وعافيه

نخليكم مع الصور

[ندعوك للتسجيل في المنتدى أو التعريف بنفسك لمعاينة هذه الصورة]

منقول

[ندعوك للتسجيل في المنتدى أو التعريف بنفسك لمعاينة هذه الصورة]

ميرسي يا ايمان
[ندعوك للتسجيل في المنتدى أو التعريف بنفسك لمعاينة هذه الصورة]

» فطيرة المكرونة
» فطيرة اللحم والدجاج
» فطيرة سهلة وسريعة
» فهيتا الدجاج
» البخاري مع الدجاج